സാജു പുല്ലൻ
അവൾപാതിരയുടെ മറപറ്റി
മാവിൻ ചുവട്ടിലെത്തി
കണ്ണീർ മുത്തുകൾ കോർത്ത
മാല
കഴുത്തിലണിഞ്ഞ്‌
മറുത്തുമ്പ്‌ മാഞ്ചില്ലയിൽ കൊരുത്ത്‌
വായുവിലേക്ക്‌
കൈകാൽ കുതിച്ച്‌
അടിവയറിന്‌ താഴെ
അവൻ എഴുതിയ
പ്രണയ വരികളുടെ
മധുരം അയവിറക്കി
ഊഞ്ഞാലാടി
അവളുടെ
മൂക്കിൽ നിന്നും
വായിൽ നിന്നും
അടിവയറ്റിലെ ഭ്രൂണത്തിൽ നിന്നും
ജീവന്റെ കിളികൾ
ഒച്ചവെച്ച്‌ പുറത്തേക്ക്‌ പറന്നു.....
ചില്ലകളുലഞ്ഞ്‌
മാമ്പു കൊഴിഞ്ഞു....
ചിതറിയ ഉടലോട്‌ ചേർത്തവളെ
ആലിംഗനം ചെയ്തമരുമ്പോൾ
പൊടിഞ്ഞ തീ ചൂടിൽ
ആ മരം അറിഞ്ഞു
പ്രണയത്തിന്റെ സതി.
No comments:
Post a Comment