ഡോ.തേവന്നൂർ മണിരാജ്
ഒരു മഞ്ഞുതുള്ളിയായ് പുൽത്തുമ്പിൽഒരു മധുകണമായി പൂവുകളിൽ
ഒരു മന്ദസ്മേരമായ്താരകത്തിൽ
നിറയും പൊരുളിനെ കുമ്പിടുന്നേൻ
ഒരു നവകാന്തിയായ് മാരിവില്ലിൽ
ഒരുതാളലയമായി പൊന്മയിലിൽ
ഒരു രാഗമുരളിയായ് മുളങ്കാട്ടിൽ
ഒളിചിന്നും നാഥനെ കുമ്പിടുന്നേൻ
ഒരു ചുവടൊന്നു പിഴച്ചെന്നാൽ
ഒരു സ്വപ്നം മിന്നിപ്പോളിഞ്ഞെന്നാൽ
ഇരുകരം നീട്ടി തുണയേകും
പരമ ചൈതന്യത്തെ കുമ്പിടുന്നേൻ...
No comments:
Post a Comment