ലല്ലേശ്വരി
വിവ. വേണു വി.ദേശം
ക്ഷീണിച്ചു വീഴും വരേയ്ക്കുംഞാൻ സ്വാത്മാവെത്തേടിയുഴറി
പക്ഷേ, ഇപ്പോഴെനിക്കറിയാം
ആർക്കുമേ പരിശ്രമത്തിലൂടെ
ആ നിഗോൂഢ ജ്ഞാനം
നേടാനാവുകയില്ലെന്ന്
അവിടുന്ന് ഞാൻ തന്നെയെന്ന
ബോധത്തിൽ ലയിക്കവെ
വീഞ്ഞിരിക്കുന്ന ഇടം
ഞാൻ കണ്ടെത്തി
കണക്കറ്റു നിറഞ്ഞ വീഞ്ഞിൻ
ഭരണികളുണ്ടവിടെ, എന്നാൽ
പാനംചെയ്യാനാർക്കുമനുവാദമില്ല
No comments:
Post a Comment